प्रकाश छन्त्याल, बरेङ ।
बागलुङको बरेङ गाउँपालिकाले आर्थिक वर्ष २०८०÷०८१ को वार्षिक नीति तथा कार्यक्रमहरूमा निर्दिष्ट गरेका उद्देश्यहरू प्राप्ती र वार्षिक बजेट तथा योजना कार्यान्वयनको अवस्थामा भौतिक प्रगति ९५ प्रतिशत र आर्थिक प्रगती ७४.६९ प्रतिशत रहेको छ ।
आर्थिक वर्ष २०८०÷०८१ बरेङ गाउँपालिकाले गरेको भौतिक उपलब्धीहरुः
१. प्रदेश र संघीय सरकारबाट हस्तान्तरित सबै योजनाहरू कार्यान्वयन गरिएको छ जसमध्ये केही ठूला र महत्वपूर्ण योजनाहरू नयाँबजार सल्यान सुखौरा सडक स्तरोन्नती, पेरिबाङ बरेङ उर्लेनी सडक स्तरोन्नती, गाउँपालिका रिङरोड योजना, सर्वोदय माध्यमिक विद्यालय भवन निर्माणआदि रहेका छन् ।
२. विभिन्न वडाहरूमा जम्मा ८.२७५ कि.मि. नयाँ ट्रयाक खोलिएको छ, ३०.२५३ कि.मि. सडक सरसफाइ, २.०९६ कि.मि. सडक चौडा पारिएको छ,७.२९९ कि.मि. सडक ग्राभेल, १.००१ कि.मि. सडक ढलान, ९२२ मि. पक्की नाली, ५ वटा क्रस ड्रेन,९६७.५ घ.मि. ग्याबिन पर्खाल र ६२४.१८ घ.मि. मेसिनरी वाल लगाउने काम सम्पन्न भएको छ ।
३. विभिन्न सिंचाई तथा पक्की कुलो निर्माण तर्फ ८५६ मि. पक्की कुलो निर्माण र १९० मि. पाइपलाइन विस्तार सम्पन्न भएको छ ।
४. खानेपानी तथा सरसफाई तर्फ ४.१०५ कि.मि. पाइपलाइन विस्तार, १ वटा सार्वजनिक धारा,५ वटा इन्टेक र ५ वटा रिजर्भवायर ट्याङ्की निर्माण सम्पन्न भएको छ ।
५. विभिन्न सामुदायिकभवन, विद्यालय भवन, ,स्वास्थ्य चौकी,शौचालय निर्माण, मर्मत लगायतका योजना १६ वटा, तटबन्धन १ वटा ,खेलमैदान ५ वटा, कल्भर्ट ३ वटा, मन्दिर तथा कोट निर्माण ६ वटा र ७ वटा अन्य योजना हरू सम्पन्न गरिएका छन् ।
६. पर्यटकीय पूर्वाधार अन्तर्गत सिग्दी होम स्टे व्यवस्थापन र बरेङ फनपार्क शौचालय निर्माण सम्पन्न गरिएका छन् ।
७. वडा नं. ३ मा सौर्यबत्ती र सिसी क्यामेरा जडान गरिएको छ साथै स्वास्थ्य इकाइहरूमा सोलार जडान गरिएको छ ।
८. प्रधानमन्त्री रोजगार कार्यक्रम अन्तर्गत गाउँपालिकाको समेत लागत साझेदारीमा १० वटा विभिन्न योजनाहरू सम्पन्न गरी १६० जनालाई ५० दिन बराबरको रोजगार प्रदान गरिएको छ । जसमा सिंचाइ तर्फ १९ घनमिटर पक्की बाँध निर्माण, ७१२ मिटर पक्की पदमार्ग, १०० मिटर पक्की नाली निर्माण, प्रतिक्षालय ८ वटा, गोरेटोबाटो २६ वटा, १ वटा भवन प्लाष्टरसहित मोटरबाटो सरसफाइ र कच्ची नाली निर्माण तथा कच्ची सिंचाइ कुलो निर्माणका काम गरिएको छ ।
त्यसै गरि आर्थिक तथा सामाजिक उपलब्धीहरु तर्फः
बरेङको समृद्धिको प्रमुख आधार आर्थिक विकास र आर्थिक विकासको मेरुदण्ड कृषि तथा पशुपन्छी विकास भएकाले यस क्षेत्रलाई प्राथमिकता दिंदै गरिएका प्रमुख उपलब्धीहरू निम्नानुसार छनः
९. किसानको उत्पादन, गाउँपालिकाको अनुदान अभियान अन्तरगत उत्पादनमा आधारित अनुदान कार्यक्रम मार्फत १९ जना विभिन्न कृषकहरू तथा उद्यमी समूहहरूलाई मेशिनरी औजार उपकरण तथा प्राविधिक सहयोग र प्रविधि हस्तान्तरण गरिएको छ ।
१०. व्यावसायिक फलफूल विकास प्रवर्द्धन गर्ने उद्देश्यका साथ वडा नं. ५ सुखौरामा करिब १२ रोपनी क्षेत्रफलमा ३५० बोट ओखर, १०० बोट किबी, १०० बोट स्याउ र ५० बोट आरु लगाइएको छ ।
११. लहरेबालीको उत्पादकत्व वृद्धि गर्न थ्री–जी पकेट स्थापना गरिएको जसमा १७ जना कृषकहरू सहभागी भई कम क्षेत्रफल र कम लगानीमा धेरै उत्पादन गर्ने विधीको सिकाई भएको छ ।
१२. व्यावसायिक गोब्रे च्याउखेती बिस्तार गर्ने उद्देश्यका साथ वडा नं. ४ थप्लुङमा निशूल्क खाना तथा आवासीय व्यवस्था सहित १५ जना कृषकहरूलाई तालिम प्रदान गरिएको छ ।
१३. मासुमा आत्मनिर्भर स्थानीय तहका रूपमा स्थापित हुनका लागि लेयर्स कुखुराका ९०० वटा चल्ला, ४५ हजार माछाका भूरा, बंगुरको भुनी वितरण गरिएको साथै वडा नं. २ र वडा नं. ५ मा बोयर बाख्रा स्रोत केन्द्र स्थापना गरिएको छ ।
१४. पशुमा उन्नत नश्ल सुधार गरी दूधमा आत्मनिर्भरता विकास गर्नका लागि कृत्रिम गर्भाधान सेवा सूचारू गरिएको साथै बेमौसी सिजनमा समेत घाँसको उत्पादन र उपलब्धता गराउनका लागि ५ वटै वडाहरूमा कृषकहरूका लागि साईलेज हे निर्माण गर्ने तालिमको व्यवस्था गरिएको छ ।
१५. उद्यमशिलता विकास तालिम अन्तरगत २९ जना, प्राविधिक सीप विकास तालिम अन्तरगत आलु चिप्स बनाउने तालिम १४ जना, अचार बनाउने तालिम १५ जना र होजियारी सम्बन्धी स्तरोन्नती तालिम १० जनालाई प्रदान गरी उद्यमशीलता विकास र स्वरोजगारीको सिर्जना गरिएको छ ।
१६. कौडेलेक तथा सिग्दी सामुदायिक होमस्टे व्यवस्थापन, साग्दि सत्यवति मन्दिर व्यवस्थापन, बरेङ फनपार्क, योजनाहरू मार्फत पर्यटकीय पूर्वाधार विकास गरिएको छ ।
त्यसै गरि स्वच्छ बरेङ स्वस्थ बरेङवासी अभियान मार्फत् बरेङवासी नागरिकहरूलाई पर्याप्त आधारभूत स्वास्थ्य सेवाको प्रत्याभूत गराउनका लागि सधैं सचेत रहँदै यस क्षेत्रमा गरिएका प्रमुख उपलब्धीहरू तर्फः
१७. गर्भवती महिला र नवजातशिशूको स्वास्थ्य सुरक्षाको लागि घरमा सुत्केरी हुने अवस्थाको अन्त्य गर्दै “घरमा सुत्केरी शून्य गाउँपालिका घोषणा पूर्व तयारी कार्यक्रम अन्तरगत आ.व. २०८०÷०८१ मा ८३ जना गर्भवती महिलाहरूले सेवा प्राप्त गरेका छन् ।
१८. बरेङको रहर, शून्य मातृशिशु मृत्युदर कार्यक्रम अन्तर्गत व्यवस्था गरिएको आमा प्रतिक्षा घर कार्यक्रम बमोजिम गाउँपालिकाद्वारा सञ्चालन गरिएका बर्थिङ सेन्टरहरूमा प्रसूति सेवा लिने आमाहरू र निजका सहयोगीहरूका लागि निःशुल्क खाने बस्ने व्यवस्था गरिएको, जस अन्तरगत यस आर्थिक वर्षमा ७० जनाले सो सुविधा प्राप्त गरेका छन् । साथै निकट भविष्यमा नै हाम्रो गाउँपालिकालाई घरमा प्रसूति शून्य गाउँपालिकाका रूपमा घोषणा गर्ने उद्देश्यका साथ कार्यक्रम कार्यान्वयनको चरणमा रहेको छ ।
१९. क्यान्सर, मृगौला, मुटु रोग, मधुमेह, स्वास प्रश्वास रोग जस्ता नसर्ने रोगको भार बढ्दै गई व्यक्ति, परिवार र गाउँपालिकाको खर्च र बिरामीको जीवन दुवैको नाश हुने भएकाले नसर्ने रोगको अवस्था पत्ता लगाई जटिलता आउनु भन्दा अगाडी नै उपचार गर्नका लागि गाउँ गाउँमा नसर्ने रोगको स्क्रिनिङ गरी समयमै उपचार तथा प्रेषण गर्न आयोजित“प्रयोगशाला परीक्षण अभियान” कार्यक्रम मार्फत २२९ जनाको रगत परीक्षण गरिएको छ ।
२०. पुरानो चिकित्सा पद्दतिको प्रवर्धन गर्न, स्वस्थकर जीवनशैली अपनाउन र योगा ध्यान मार्फत निरोगिता प्राप्त गर्नका लागि नागरिक आरोग्य सेवा केन्द्र बरेङ मार्फत योगा अभ्यास कार्यक्रम, अन्तरक्रिया, अभिमुखीकरण र आयुर्वेदिक औषधी खरिदको व्यवस्था जसमा ३८ जना योगा अभ्यास कार्यक्रममा सहभागी भएका र ८३ जनाको सुगर र प्रेसर जाँच गर्नुको साथै आयुर्वेदिक औषधी वितरण गरिएको छ ।
२१. गाउँपालिका अन्तरगतका स्वास्थ्य संस्थाहरूबाट प्रदान गरिने सेवा प्रवाहलाई प्रभावकारी, समय सापेक्ष र गुणस्तरीय बनाउन आवश्यक औषधी तथा औजार उपकरणयुक्त बनाउन “स्वास्थ्य उपकरण” र “निःशूल्क वितरणको लागि औषधी खरिद तथा वितरणको व्यवस्था गरिएको, स्वास्थ्य संस्थाहरूलाई प्रविधीमैत्री बनाउन “सूचना प्रविधी मैत्री स्वास्थ्य संस्था कार्यक्रम” अन्तरगत थप १२ वटा कम्प्यूटरहरूवितरण गरिएको छ ।
२२. गाउँपालिका अध्यक्ष जनता स्वास्थ्य परीक्षण कार्यक्रम अन्तर्गत “बाटाकाचौर स्वास्थ्यचौकीमा बृहत निःशूल्क स्वास्थ्य शिविर आयोजना गरिएको जसमा ५२३ जना विभिन्न प्रकारका बिरामीहरू लाभान्वित भएका छन् ।
२३. जेष्ठ नागरिक घरदैलो स्वास्थ्य परीक्षण कार्यक्रम अन्तर्गत घर घर र टोल टोलमा स्वास्थ्य परीक्षण तथा उपचार कार्यक्रम मार्फत गाउँपालिकाभित्रका सबै जेष्ठ नागरिकहरू लाभान्वित भएका छन् ।
२४. पोषण संवेदनशील कार्यक्रम अन्तर्गत १२ वटा विद्यालयहरूका प्राथमिक तहमा अध्ययनरत ३५ जना अतिविपन्न तथा आर्थिक सामाजिक रूपमा पिछडिएका बालबालिकाहरूका लागि पोषिलो खाद्यान्न तथा सरसफाई सामग्री वितरण गर्नुका साथै उक्त विद्यालयहरूमा वाटर डिस्पेन्सर तथा सरसफाइ सम्बन्धी सामग्रीहरू वितरण गरिएको छ ।
२५. पोषण विशेष कार्यक्रम अन्तर्गत सबै स्वास्थ्य संस्थाहरूमा पोषण कर्नर स्थापना र विषादी रहित खाद्य तथा पोषण प्रबर्धन कार्यक्रम आयोजना गरिएको जसमा ५३ जना सहभागीहरू लाभान्वित भएका छन् ।
२६. बस्ति बस्तिमा क्षयरोगी पत्ता लगाउन १८९ जनाको खकार परीक्षण अभियान, समिक्षा बैठक, स्थलगत अनुशिक्षण आदि मार्फत क्षयरोगमुक्त गाउँपालिका अभियान सञ्चालन गरिएको छ ।
२७. प्रजनन रुग्णता कार्यक्रम अन्तर्गत हुग्दिशिर स्वास्थ्यचौकीमा धौलागिरी अस्पतालको प्राविधिक सहयोगमा र थप्लुङ सामुदायिक स्वास्थ्य ईकाइ र खाल्ले गाउँघर क्लिनिकमा आफ्नै जनशक्ति परिचालन गरी पाठेघर सम्बन्धी समस्या भएका महिलाहरूको परीक्षण तथा पाठेघरको मुखको क्यान्सर पत्ता लगाउन भि.आई.ए शिविरको आयोजना मार्फत ११७ जनाले सेवा प्राप्त गरेका र २ जनाको सम्भावित क्यान्सर पत्ता लागेको हुनाले थप उपचारका लागि रिफर गरिएको थियो ।
२८. किशोर किशोरी स्वास्थ्य सेवा सम्बन्धी बरेङ गाउँपालिका र बाटाकाचौर स्वास्थ्यचौकीमा अभिमुखिकरण कार्यक्रम सञ्चालन गरिएको छ ।
२९. कोभिड १९ विरुद्धको खोप, दादुरा रुवेला खोप तथा पोलियो रोग विरुद्धको आई पि भि खोप अभियानबाट १५०० भन्दा बढी बालबालिका लाभान्वित भएका छन् ।
३०. पूर्ण खोप दिगोपना सुनिश्चितताका लागि घरधुरी सर्वेक्षण, नमूना सर्वेक्षण, पूर्ण खोप सुनिश्चित वडा तथा गाउँपालिका घोषणा कार्यक्रम सम्पन्न गरिएको छ ।
३१. मातृ तथा नवशिशु कार्यक्रम अन्तर्गत गर्भवती महिलाहरूको निःशूल्क भिडियो एक्स रे कार्यक्रम अन्तरगत १५२ जना, उत्तर प्रसुती स्वास्थ्य परीक्षण सेवा अन्तरगत ७३ जनालाई सेवा प्रदान गरिएको छ ।
३२. जेष्ठ नागरिकहरूका ज्ञान, अनुभव र भोगाईको आदान प्रदान गर्नुका साथै उचित सम्मान गर्ने उद्देश्यका साथ उमेर चौरासी कार्यक्रम अन्तर्गत ११९ जनालाई सम्मान गरिएको, स्वास्थ्य शाखाको समन्वयमा विपन्न दीर्घरोगी निशूल्क स्वास्थ्य बिमा कार्यक्रम अन्तरगत ५४ जना दीर्घरोगी व्यक्तिहरू र ५० जना अति विपन्न वर्गका व्यक्तिहरू गरी जम्मा १०४ जनाको निशूल्क स्वास्थ्य बिमा गरिएको छ ।
३३. एकल महिलाहरूको लागि साहायता एंव सिपमूलक कार्यक्रम अन्तरगत ३८ जना एकल महिलाहरू लाभान्वित हुनुका साथै बालविवाह न्यूनीकरण र बाल श्रम शोषण मुक्ति सम्बन्धि चेतनामूलक कार्यक्रम ७ वटा माध्यमिक विद्यालयहरूका ८५० जना विद्यार्थीहरूबीच प्रदर्शन गरिएको छ ।
३४. प्रधानमन्त्री रोजगार कार्यक्रम अन्तरगत आर्थिक वर्ष २०८१÷०८२का लागि ५३२ जना बेरोजगार व्यक्तिहरू सूचीकृत गरिएको छ । वैदेशिक रोजगारीमा जाने ३० जना व्यक्तिहरूको श्रम स्वीकृतमा सहजीकरण गरिएको छ । वैदेशिक रोजगार बोर्डले उपलब्ध गराउने आर्थिक सहायता सम्बन्धी पारिवारिक स्वास्थ्य उपचार ३ जना र अङ्गभङ्ग भएका १ जना गरी ४ जनाका लागि सहजीकरण गरिएको छ । प्रधानमन्त्री रोजगार कार्यक्रममा काम गर्ने क्रममा दुर्घटना भएका वडा नं. ३ का १ जना श्रमिकलाई बिमा रकममा सहजीकरण गरी प्रदान गरिएको छ ।
