ईबरेङ, साउन ११ गते ।
बागलुङको बरेङ गाउँपालिका वडा नं. १ धुल्लुबाँस्कोटका मिना कुमारी थापा कृषि तर्फ महिला उद्यमी बनेका छन् ।
सुरुमा १० वटा बाख्राबाट पश तथा कृषि तर्फ व्यवसायीक महिला उद्यमीमा लागेका थापा अहिले थापा बाख्रा फर्म सञ्चालन गरि रहेका छन् भने कृषि तर्फ तरकारी बाली उत्पादन गरि नगदे व्यवसायीक बनेका छन् । थोरै आफ्नो लगानी संगै गाउँपालिकाको आर्थिक सहयोगमा उनि अहिले व्यवसायी कृषि तर्फ महिला उद्यमी बनेका हुन् ।
बरेङको नीति, व्यावसायिक कृषिको नारालाई साकार पार्न कृषिजन्य प्रविधि हस्तान्तरण, कृषकहरूलाई सिपमूलक तालिम, कृषि यान्त्रिकरण कार्यक्रमको व्यवस्था गरे संगै आफुले सुरुवात गरेको तरकारी खेती विस्तर गर्दै सिजन अनुसारको अर्गानिक तरकारी गोलभेंडा, तने बोडी, सिमी, कांक्रा, फर्सीको मुन्टा, खुर्सानी लगायतका तरकारी उत्पादन गरि बजारसम्म पुर्याउने गरेका छन् ।
बाख्रा फर्म तर्फबाट पनि वार्षिक १ लाख ५० हजार सम्मको आम्दामी गर्ने गरेको र तरकारी तर्फबाट पनि राम्रै आम्दामी गरेको थापाले बताउछन् । सानो लगानीबाट सुरु गरेको कृषि उत्पादनलाई व्यवसायीक स्तरमा पुर्याउनसम्म सफल नबने पनि आफ्नो घरखर्चीको लागी महिलाले पनि केही गर्नसके आत्म निर्भर रहने सकिने उनले बताउछन् ।
उनले स्थानीय स्तरमा उत्पादन भएका कृषकका खाद्यवस्तु आन्तरिक बजारीकरणका लागि गाउँपालिका भित्रका विभिन्न स्थानहरूमा कृषि हाट बजारको व्यवस्था गरि दिए आन्तरिक बजारमा खपत हुने र गाउँ पालिका भित्रका आम नागरिकले अर्गानिक वस्तुको सदुपयोग गर्न पनि नागरिक पाउने सुझाव दिएका छन् ।
उनले विषादी र रसायनयुक्त कृषि उपजको उपभोगका कारण जनस्वास्थ्यमा परिरहेको गम्भिर समस्यालाई मध्यनजर गर्दै गाउँपालिकाका कृषकहरूलाई कम्पोष्ट तथा जैविक मलको प्रयोग गरी रसायनिक मलको प्रयोगलाई निरुत्साहित गरि अर्गानिक कृषियुक्त र विषादीमुक्त खाद्य तथा तरकारी उत्पादनमा कृषकहरुलाइ गाउँपालिकाको कृषि शाखाले विशेष पहल गरि दिन पनि सुझाव दिएका छन् ।
