ईबरेङ, भदौ ४ गते ।
बागलुङको काठेखोला गाउँपालिका तंग्राम स्थित धारा माध्यमिक बिधालयको कक्षा ८ र कक्षा १० को परीक्षाको नतिजा तुलना ,विश्लेषण र सिकाई उपलब्धि बृद्वि गर्ने बारे छलफल तथा नयाँ योजना निर्माण गर्नका लागि सोमबार अभिभावक भेला सम्पन्न भएको छ ।
भेलाका प्रमुख अतिथि विद्यालय व्यवस्थापन समितिका अध्यक्ष तथा जिल्ला समन्वय समितिका प्रमुख अमर बहादुर थापाले सफलता प्राप्त गर्ने ठूला कुरो होइन त्यसलाई निरन्तरता दिन गाह्रो कुरा हो तर यो सम्भव छ । यसमा विद्यार्थी ,अभिभावक र शिक्षकको सक्रिय भूमिकामा निर्भर रहेको बताएका छन् ।
कार्यक्रममा काठेखोला गाउँपालिकाका प्रबक्ता तथा यस विद्यालयका शिक्षक अभिभावक संधका संयोजकको टीका संगम वि.क.ले आतिथीको आसन गह्रण गर्दै विद्यार्थीलाई सिकाई व्यवहारिक गराउनु अनिवार्य भएको व्यवहारमा हुनु पर्यो यसमा अभिभावक पनि अनिवार्य जोडिनु पर्ने भन्दै नैतिक शिक्षामा जोड दिनु पर्ने बताए ।
भेलामा कक्षा ८ का कक्षा शिक्षक भिम वि.क. र कक्षा १० का कक्षा शिक्षक नर बहादुर पच्याले आफ्नो कक्षाको रिपोर्ट र सुधारकाबारेमा सुझाव दिएका थिए । उक्त कार्यक्रममा विद्यालयका प्रधानाध्यापक कमला थापाले अभिभावकको जिज्ञासा व्यवस्थापन गर्दै असल अभिभावक र शिक्षक र असल प्रशाशक बन्ने सुझाव दिएका छन् ।
कार्यक्रममा विद्यालयका आर्थिक समितिका संयोजक थिर बहादुरको अध्यक्षतामा, शिक्षक भिम बहादुर वि.क.को स्वागत र नर बहादुर पच्याको सञ्चालनमा सम्पन्न भएको थियो ।
