ईबरेङ, भदौ १३ गते ।
‘गणतन्त्र र राष्ट्रियताको रक्षा गरौं, संघीयताको खारेज गरौं’ भन्ने उदघोष सहित सञ्चालित राष्ट्रिय जनमोर्चा बागलुङको विशेष संगठनात्मक अभियान बागलुङको धुल्लुबाँस्कोट, कुश्मिशेरा, अमलाचौर, दुदिलाभाटी, सक्न्यार, बुर्तिबाङ र राजकुटमा गरि सातै वटा टोलिको कार्यक्रम बुधबार उद्घाटन भएको छ ।
जस अनुसार टोलि नं. १ को कार्यक्रम बरेङ गाउँपालिकाको वडा नं. १ धुल्लुबाँस्कोटमा राष्ट्रिय जनमोर्चा गण्डकी प्रदेश उपाध्यक्ष धर्म बहादुर कुँवरले उद्घाटन गरेका छन् । कार्यक्रममा राष्ट्रिय जनमोर्चा बागलुङका सचिवालय सदस्य तथा बरेङ गाउँपालिका अध्यक्ष कृष्ण पौडेल, जिल्ला सदस्य हिरा बहादुर थापा, राष्ट्रिय जनमोर्चा बरेङका सदस्य तुफान पुन, चित्र बहादुर केसी लगायतले मन्तव्य दिएका थिए भने स्थानीय नेता तथा जनप्रतिनिधिहरुको अतित्थ्यता रहेको थियो । कार्यक्रम वडा समितिका उपाध्यक्ष गंगा सुनारको अध्यक्षता, नरसेन पुनको स्वागत मन्तव्य र नवराज पौडेलको सञ्चालनमा सम्पन्न भएको थियो ।
टोलि नं. २ को कार्यक्रम जैमिनी नगरपालिकाको वडा नं. १ कुश्मिशेरामा राष्ट्रिय जनमोर्चाका पुर्व केन्द्रीय सचिव कृष्ण अधिकारीले उद्घाटन गगरेका थिए । कार्यक्रममा राष्ट्रिय जनमोर्चा बागलुङका सल्लाहकार तथा जैमिनी नगरपालिका प्रमुख नर बहादुर, राजमो केन्द्रीय सदस्य डिल बहादुर दर्जी, जिल्ला सदस्य ठाकुर पौडेल लगायतले प्रशिक्षण मन्तब्य दिएका थिए । कार्यक्रम वडा समितिका अध्यक्ष चित्र चापागाईको अध्यक्षता, वडा समिति सदस्य त्रिविक्रम शर्माको स्वागत मन्तव्य र वडा सचिव कृष्ण बहादुर थापाको सञ्चालनमा सम्पन्न भएको थियो ।
टोलि नं. ३ को कार्यक्रम बागलुङ नगरपालिकाको वडा नं. १२ अमलाचौरमा राष्ट्रिय जनमोर्चा बागलुङका अध्यक्ष तिलक थापाले उद्घाटन गरेका थिए । कार्यक्रममा अखिल नेपाल महिला संघ केन्द्रीय उपाध्यक्ष लक्ष्मी बास्कोटा, राष्ट्रिय जनमोर्चा बागलुङका जिल्ला सदस्य लोकनाथ शर्मा, योगेन्द्र पौडेल, जिल्ला सल्लाहकार टेक बहादुर आर सी लगायतले मन्तब्य दिएका थिए । कार्यक्रम राष्ट्रिय जनमोर्चा वडा समिति अमलाचौरका अध्यक्ष घनश्याम बिकको अध्यक्षता, वडा समितिका सदस्य हरि पौडेलको स्वागत मन्तव्य र सल्लाहकार गोबिन्द पौडेलको सञ्चालनमा सम्पन्न भएको थियो ।
टोलि नं. ४ को कार्यक्रम गलकोट नगरपालिकाको वडा नं. १ दुदिलाभाटीमा राष्ट्रिय जनमोर्चाका केन्द्रीय सदस्य राजेन्द्र ढुङगानाले उद्घाटन गरेका थिए। कार्यक्रममा राष्ट्रिय जनमोर्चाका केन्द्रीय सल्लाहकार तथा जिल्ला समन्वय समितिका प्रमुख अमर थापा, अखिल नेपाल युवक संघका केन्द्रीय उपाध्यक्ष लक्षमान पुन, राष्ट्रिय जनमोर्चा बागलुङका सल्लाहकार टंक के सि, जिल्ला सदस्य पदम श्रेष्ठ, लाल बहादुर राना, अखिल नेपाल शिक्षक संघका भिम पुन लगायतले शुभकामना मन्तव्य दिएका थिए । कार्यक्रम वडा समितिका अध्यक्ष रण बाहादुर बि कको अध्यक्षता, दुर्गा पुनको स्वागत मन्तव्य र इन्द्र्सिह बुढाथोकीको संचालनमा सम्पन्न भएको थियो ।
टोलि नं. ५ को कार्यक्रम बडिगाड गाउँपालिकाको वडा न २ सक्न्यारमा राष्ट्रिय जनमोर्चा बागलुङका सचिवालय सदस्य थानेश्वर सुवेदीले उद्घाटन गरेका थिए । कार्यक्रममा अखिल नेपाल युवक संघका केन्द्रीय महासचिव भिमसेन वन, राष्ट्रिय जनमोर्चा बागलुङका सदस्य बोम बहादुर थापा, बडिगाडमा पालिका सचिव विमल श्रीस लगायत का अतिथिहरुले मन्तव्य दिएका थिए । कार्यक्रम प्रेम पुनको अध्यक्षता, दोर्ण वनको स्वागत मन्तव्य र सचिन थापाको सञ्चालनमा सम्पन्न भएको थियो ।
टोलि नं. ६ को कार्यक्रम ढोरपाटन नगरपालिकाको वडा न १ बुर्तिबाङमा राष्ट्रिय जनमोर्चा बागलुङका सचिव भिमलाल पोखरेलले उद्घाटन गरेका थिए । कार्यक्रममा राष्ट्रिय जनमोर्चा बागलुङका कोषाध्यक्ष दिपक थापा, जिल्ला सदस्य तम बहादुर घर्ती, कमला पान्डे, रक्तिम अभियान केन्द्रिय सचिब सहबिन अर्गेजा, अखिल नेपाल जनजाति सम्मेलन बागलुङका सदस्य ओम बहादुर बुढा लगायतले मन्तव्य दिएका थिए । कार्यक्रम ओम बहादुर घर्तिको अध्यक्षता, झक प्रसाद श्रेष्ठको स्वागत मन्तव्य र निमलाल पान्डेको संचालनमा सम्पन्न भएको थियो ।
टोलि नं. ७ को कार्यक्रम निसीखोला गाउँपालिकाको वडा नं. ७ राजकुटमा राष्ट्रिय जनमोर्चाका केन्द्रीय सदस्य गौरीश्वर पाण्डेले उद्घाटन गरेका थिए । कार्यक्रममा अखिल नेपाल जनजाति सम्मेलनका सल्लाहकार प्रगति बुढा, राष्ट्रिय जनमोर्चा बागलुङका सदस्य थमन घर्ती, अखिल नेपाल युवक संघ बागलुङका सदस्य भीष्म छन्त्याल लगायतले मन्तब्य दिएका थिए । कार्यक्रम दान बहादुर बिकको अध्यक्षता र भिम बहादुर बिकको सञ्चालनमा सम्पन्न भएको थियो ।
कार्यक्रममा प्रमुख अतिथी, अतिथिहरुले राष्ट्रियता र गणतन्त्र धरापमा पर्न सक्ने खतराहरु औंलाउदै देशको अर्थतन्त्रले थेग्न नसक्ने सघीयता खारेज गर्नु पर्नेमा जोड दिएका छन् ।
बुधबार नै टोलि नं. २ ले राष्ट्रिय तथा स्थानीय समस्यालाई उठान गरि जैमिनी नगरपालिकाका नगर प्रमुख नर बहादुर पुनलाई ज्ञापन पत्र बुझाएको छ ।ज्ञापनपत्र राष्ट्रिय जनमोर्चाका पुर्व केन्द्रीय सचिव कृष्ण अधिकारी, राष्ट्रिय जनमोर्चा केन्द्रीय सदस्य डिल बहादुर दर्जी, जिल्ला सदस्य ठाकुर शर्मा, पालिका सदस्य चन्द्र बहादुर केसी लगायतको उपस्थितीमा बुझाइएको थियो। ज्ञापनपत्र बुझे पछि मेयर, उपमेयर र प्रशासकीय अधिकृतले कार्यान्वयनका लागि आवश्यक पहल गर्ने प्रतिवद्धता राखेका छन् ।
