ईबरेङ, साउन २३ गते ।
बागलुङको बरेङ गाउँपालिकाले आर्थिक वर्ष २०८१÷०८२ को प्रथम तथा ८५ औं गाउँ कार्यपालिका बैठक बरेङ गाँउपालिकाका अध्यक्ष कृष्ण शर्माको अध्यक्षतामा सम्पन्न गरेको छ ।

बरेङ गाँउपालिका वडा नं. ५ सुखौराका वडा अध्यक्ष अमर बहादुर शेरपुजा स्वास्थ्य लाभ पश्चात पुनः सामाजिक कार्यमा फर्कन सफल भएकोमा धन्यवाद र आगामी सामाजिक कार्य सफलताको शुभकामना व्यक्त गर्दै सुरु बैठकले गरेको मुख्य निर्णयहरूः

१. आर्थिक वर्ष २०८१÷०८२ को स्थानीय दररेट निर्धारण,

२. आर्थिक वर्ष २०८१÷०८२ को योजना तथा कार्यक्रम कार्यतालिका निर्माण चैत मसान्तसम्म सबै योजना सम्पन्न गरि सक्ने र ठेक्का प्रक्रियामा जाने आयोजना मंसिर पहिलो हप्तासम्म कार्यालय तहको काम सकि कार्यादेश दिने

३. मुख्यमन्त्री नवप्रवर्तन साझेदारी कार्यक्रमको प्रस्तावना आर्थिक विकास गर्न सहयोग पुग्ने योजना माग गर्ने,

४. बरेङ गाउँपालिका कर्मचारी कमल पुन को मातृ शोक तथा वडा नं ४ सल्यान पूर्व वडाअध्यक्ष लिल बहादुर खत्रीको पुत्र शोकमा दुख व्यक्त गर्दै समवेदना व्यक्त गर्ने,

८५ औं गाउँ कार्यपालिका बैठककै समयमा गाउँपालिका स्तरीय बार्षिक समिक्षा समेत सम्पन्न भएको छ । गाउँपालिकाले गत आर्थिक वर्षमा लक्ष्य भन्दा समग्रमा ११.३९ प्रतिशतले वढि राजस्व सङ्कलन गरेको छ । वडागत राजस्व संकलनमा वडा नं. ५ सुखौराले २५.३१ प्रतिशतले राजस्व संकलनमा बृद्धि गरेको छ ।